Vjedhjet në autobuset urbane nuk janë shqetësim vetëm në Tiranë. Shumë qytetarëve u janë vjedhur çantat, telefonat e deri tek portofolat me lek.

Po këtë shqetësim e vuajnë dhe qytetarët Grekë në urbanët e Selanikut, ku policia helene njoftoi se kishte arrestuar disa persona të cilët ishin kthyer në tmerin e udhëtarëve të urbanëve në këtë qytet.

Disa burra shqiptarë në moshë janë arrestuar pasi ishin kthyer në tmerrin e urbanëve të Selanikut në Greqi.

Ata ishin autorë të një sërë vjedhjesh, dhe pas hetimit të policisë në shtëpitë e tyre janë gjetur 11 celularë dhe 1 tabletë.

Ishin këto pajisje elektronike që ata vidhnin zakonisht. Të arrestuarit janë Arjan Duka, 53 ose 59 vjeç pasi ende nuk është verifikuar. Të tjerët janë Enver Gjozi,52, Artur Pinderi, 57, Skënder Herri, 61.

Arrestimi i tyre është bërë me datë 29 nëntor, por lajmi është publikuar sot në mediat greke.

LEAVE A REPLY

Please enter your comment!
Please enter your name here